Táimid ag iarraidh scéal a fháil ó phobail a bhraitheann go bhfuil siad imeallaithe agus faoi thost – táimid ag iarraidh do chuid scéalta a chloisteáil. 

5x5 at the Abbey Theatre, Ireland's national theatre

Tá cuireadh á thabhairt ag Amharclann na Mainistreach do shaoránaigh ó gach uile phobal smaoineamh nó tionscadal is mian leo a fhorbairt a chur chugainn.

Roghnóimid 5 cinn de na tionscadail sin agus cuirfimid luach 5 lá spáis ar fáil duit, chomh maith le cúnamh teicniúil agus €5,000 chun an tionscadal sin a chíoradh.

An mbraitheann tú go bhfuil do phobal faoi ghannionadaíocht ar stáitse na hÉireann?
An gceapann tú nach bhfuil éisteacht á tabhairt do do ghlór ag eagraíochtaí náisiúnta?
Ar mhaith leat smaoineamh nua a fhorbairt a chuirfidh leis an nglór atá ag do phobal?
An bhfuil scéal agat le hinsint?

Tá Amharclann na Mainistreach tiomnaithe do thimpeallacht a chruthú ina gcuirfear an comhionannas agus an dínit chun cinn.

Táimid tiomnaithe d’fháilte a chur roimh shaoránaigh as gach áit fud fad ár náisiúin chun an téatar a bhraistint, an téatar a phlé, an téatar a chruthú.

Tabhair faoi deara le do thoil: tá na tacaíochtaí seo ann lena n-úsáid chun do smaoineamh a fhorbairt ach nílimid ag súil leis go gcuirfidh tú seó i láthair ag deireadh na seachtaine.

#Abbey5x5

Conas iarratas a dhéanamh 

Cliceáil anseo chun iarratas a dhéanamh trínár bhFoirmeacha Google. Is foirm ghairid í seo ina gcuirtear trí bhuncheist faoi do phobal, faoi do thionscadal agus faoin gcaoi ina n-úsáidfeá an €5,000 a leithdháilfí ort.

Spriocdháta: Dé hAoine 15 Nollaig

Seolfaimid freagra chuig gach iarratasóir faoin Aoine 22 Nollaig.

Reáchtálfar 5×5 i gcaitheamh na gcúig seachtaine seo a leanas:
15 – 19 Eanáir
3 – 7 Aibreán
9 – 13 Aibreán
21 – 25 Bealtaine
28 Bealtaine – 1 Meitheamh

Má tá ceisteanna nó aiseolas agat, déan teagmháil linn, le do thoil, ag fivebyfive@abbeytheatre.ie.